ورطه وبدي الحل

ورطه وبدي الحل

--------------------------------------------------------------------------------

السلام عليكم

مش عارفه احكي لمين ازا حكيت لماما او بابا راح يسيؤو الظن بيا ويفهموني غلط

لوحكيت لصحباتي راح يعلقو عليا ويقولو اني بدلع عم ارفص نعمة الله

فقررت احكيلكم .....عندكم للسر مكان

القصه وما فيها انو انا الفتره الماضيه كان عم يتقدملي عرسان وكل واحد اطلع فيه عله وارفضه

بس هلا اجي واحد يمكن كامل (والكمال لله طبعا)
محترم ومن عيله محترمه ومهندس وشغلوو كتير امنيح


بس المشكله
انو انا بحسو تقيل دم ومو مهضوم ودايما كنت اقول الله يعين الي بدها تاخدووو

لوحكيت لاهلي سبب الرفض راح يفكرو انو في حد تاني بحياتي
والله ما في حدا

ولو حكيت لصحباتي بقولولي هدي سخافه ومو منطق وانتي عم تتدلعي




طب شو اعمل اوافق واضغط علي نفسي واظل اكرهه
ولا ارفض واكسب راحة نفسي واخسر احترام الناس الي

ما بعرف

وانتو كمان لا تقولو عني تافه وعقلي اصغير لانو انا موهيك


حد يحكيلي رايو بصراحه


حلو هاي المشكلة على شان البنت تتريح
اخوكم محبوب

قضية حلوة ... برأيّ:

انها تقعد معه وتتعرف عليه اكتر لانه احتمال كبير تغير رأيها فيه بعدين

مشكور اخي عالطرح الرائع ... والقضية اللي اخترتها حلوة وبتوقع انه بنات كتار بيعيشوها

لازم يكون في فترة للتعارف بس برضو كمان انا في طبع ما بعرف

ازا موجود عند غيري الشخص بعرف انه كويس او لأ من اول ما بشوفه

ازا حسيت براحة وعدم خوف فهو انسان كويس وازا لأ فخلص بنهي العلاقة

انا دايماً هيك لما اختار صحباتي ولما اشوف اي شخص بتبع احساسي

بس ممكن كمان لما تعرفه اكتر وتكتشف الاشياء الحلوة فيه تحبه

شكراً على القضية الحلوة

السلام عليكم
يا اختي يمكن في البدايه يكون الشخص انتي شايفتي ثقيل دم بس يمكن بعد ما تتعرفي عليه وتشوفيه وتكلميه يكون غير النظر الي عندك بنصحك نصيحه اخويه لاتتسرعه بقرارك على شان في الاخر بحطو الحق عليكي احكي لأهلك خلني افكر لا تتسرعي بقرارك على شان انتي الي بدك تتزوجي مش اهلك ............